બાળાઓ સાથે જેડીયુ MLAના ઠુમકાનો VIDEO જબરદસ્ત વાયરલ, કોવિડના નિયમોની 'ઐસી કી તૈસી'

અજયકુમાર, ભાગલપુર: ભાગલપુરના નવગછિયા ગોપાલપુર વિધાનસભાના વિધાયક નરેન્દ્રકુમાર નીરજ ઉર્ફે ગોપાલ મંડલનો એક ડાન્સ વીડિયો હાલ સોશિયલ મીડિયા પર વાયરલ થઈ રહ્યો છે. વીડિયો વાઈરલ થતા જ વિસ્તારમાં અનેક પ્રકારની ચર્ચા થઈ રહી છે. કોઈ કહે છે કે આ વીડિયો જૂનો છે તો અનેક લોકો આ વીડિયો નવો હોવાનું જણાવી રહ્યા છે. 

મળતી માહિતી મુજબ વિધાયકના પૈતૃક ગામમાં ઓર્કેસ્ટ્રાનું આયોજન થયું હતું અને વિધાયક તે કાર્યક્રમમાં ઠુમકા લગાવી રહ્યા હતા. વીડિયોની શરૂઆતના ભાગમાં એક ભક્તિ ગીત વાગે છે જેના પર વિધાયક નૃત્ય કરી રહ્યા છે અને ગીત સમાપ્ત થતા જ ભોજપુરી ભાષામાં એક અશ્લીલ ગીત વાગવા માંડ્યું અને તેના ઉપર પણ વિધાયક ઠુમકા લગાવતા વીડિયોમાં જોવા મળે છે. 

જો કે આ વીડિયોની હજુ સુધી પુષ્ટિ થઈ નથી. પરંતુ વીડિયો વાયરલ થતા જ સોશિયલ મીડિયા પર ખુબ શેર થઈ રહ્યો છે. આ સાથે જ વીડિયોની ચર્ચા વિસ્તારમાં પણ ખુબ થઈ રહી છે. જો કે વિધાયકના ડાન્સને લઈને હવે અનેક પ્રકારના સવાલ ઊઠી રહ્યા છે. 

Bihar: भागलपुर के MLA का डांस वायरल हो रहा है, ठुमके लगाते दिखे विधायक गोपाल मंडल.@Jduonline @RJDforIndia @BJP4Bihar @INCBihar pic.twitter.com/oV2I79I61p

— Zee Bihar Jharkhand (@ZeeBiharNews) December 14, 2020

ચોંકાવનારી વાત એ છે કે બિહાર સહિત સમગ્ર દેશમાં કોરોના વાયરસનું સંક્રમણ ફેલાયેલું છે ત્યારે આવામાં સરકાર લોકોને સુરક્ષા વર્તવા માટે કોવિડ ગાઈડલાઈનનું પાલન કરવાની અપીલ કરે છે. પરંતુ ભાગલપુરમાં તો તેના ધજાગરા જોવા મળ્યા. 

વાયરલ વીડિયોમાં જોઈ શકાય છે કે જેડીયુ વિધાયક નરેન્દ્રકુમાર નીરજ ઉર્ફે ગોપાલ મંડલે કે ત્યાં સ્ટેજ પર હાજર અન્ય લોકોમાંથી કોઈએ પણ માસ્ક પહેરેલું ન હતું.